I üsem Märithüsli finget Dir auerhand gluschtigi husgmachti Konfitüre & Gelee i verschiedene Prieslage u Grössine.
I Spitzezyte hei mir bis zu 17 Sorte Konfi ohni künschtlechi Zuesatzstoffe u härgsteut (mit wenige Usnahme) us unbehandlete Frücht u Chrütter.

Wyter finget Dir bi üs, säubergmachti  Etagère, gnäiti Täschli, glismeti Chindersocke, Vogufuetertassli, Gschänkchörbli, bärner Brätzeli, u im Summer Chrüttertassli u vieles meh. Äbeso verchoufe mir chlini Eier mit Legedatum us Freilandhautig.
A der Hustüre verchoufe mir sogar Bätzi, Kirsch, Quitteschnaps u Williams, härgsteut us unbehandlete eigete Frücht.