Wahlendorf: Märithüsli

Beschreibung

 

 

I üsem Märithüsli finget Dir auerhand
gluschtigi husgmachti Konfitüre & Gelee i verschiedene Prieslage u Grössine. 
I Spitzezyte hei mir bis zu 17 Sorte Gonfi u Gelee ohni künschtlechi Zuesatzstoffe, härgsteut (mit wenige Usnahme) us unbehandlete Frücht u Chrütter. Sogar 5 Sorte Sirup hei mir im Sortimänt. 

 

 

Wyter finget Dir bi üs,
säubergmachti Lavänduseckli,
Chirschisteichüsseli,
Zündhouzschachteli,
glismeti Socke,
Gschänkchischtli,
bärner Brätzeli,
Spitzbuebe, (zu de Feschttage)
gstauteti Guguhopfforme.

O igmachti Tomate finget dir bi üs.
Äbeso verchoufe mir Eier us Freilandhautig.

A der Hustüre verchoufe mir sogar Bätzi, Kirsch, Quitteschnaps u Williams, härgsteut us unbehandlete eigete Frücht.

 

 

Lueget ine es lohnt sich.
Bi üs isch Säubschtbedienig.

Offe hei mir jede Tag vom 
08.00 bis am 07.00 am Abe.

Theres & Fritz Dängeli

Sternenbachmatte 13
3046 Wahlendorf
031 829 14 26

 

 

 

Es besteit o d` Müglichkeit mit TWINT  bargäutlos z`zahle.
Dir finget üs o im App.»My Wohlen» unter Hofladen oder im «Gewerbeweb Wohlen»
U i der Homepage vom «Frienisbärg Tourismus» unger «Genussregio
n».